Samráðast um uppsjóvarfisk hesa vikuna

Í hesari vikuni byrja strandarlondini at samráðast um uppsjóvarfiskin.

Tað nýggja nú er, at Bretland er ikki við í ES longur, men er vorðið sjálvstøðugt strandarland. 

Bretland er vorðið limur í NEAFC. Hesaferð verður samráðst talgilt.

Annars plaga londini sum oftast at samráðast í London.

Uppsjóvarfiskur og kongafiskur

Strandarlondini samráðast um makrel, svartkjaft og norðhavsild og harafturat um kongafisk í Irmingarhavinum.

Samráðingarnar verða eisini sera torførar í ár, tí londini eru ikki als samd um, hvussu fiskurin skal býtast teirra millum.

Og hendan ósemjan ger, at uppsjóvarfiskur missur MSC góðkenningina, tí fiskiskapurin verður ikki mettur at vera burðardyggur.

Fiskað hevur verið meira enn ICES hevur mælt til.