Tríggir tilburðir staðfestir í gjár

Tríggir koronutilburðir vórðu staðfestir í gjár, vísa nýggjastu tølini hjá Landslæknanum. 

Tvey fólk eru komin til Føroya loftvegis, og tað triðja fólkið er partur av smittuketu, sum Landslæknin fylgir.

Tey smittaðu eru avbyrgd, og Landslæknin er farin undir smittusporingina.

147.000 fólk kannað

Í gjár vórðu 1037 kanningar gjørdar, og allar kanningarnar eru liðugt greinaðar. Tilsamans eru 147.079 kanningar gjørdar í Føroyum.

 488 fólk hava fingið staðfest smittuna, og 472 eru frísk aftur. Í løtuni eru 16 fólk smittað.

Eingin er í løtuni innlagdur við koronu.