Trý fólk bjóða Kim Kielsen av

Nú eru fýra fólk, sum bjóða seg fram at standa á odda fyri grønlendska flokkinum, Siumut, tá landsfundur verður seinast í november.

Næstformaðurin í umsitingini hjá flokkinum, Evelyn M. Frederiksen, upplýsir fyri blaðnum Sermitsiaq, at Johan Arne Fleischer bjóðar seg fram at gerast formaður í flokkinum.

Upplýst verður, at hann er flogskipari og býr í Qaqortoq.

Tey fýra sum stilla upp eru: Kim Kielsen, formaður í Siumut, Vivian Motsfeldt, Erik Jensen og Johan Arne Fleischer.

Siumut fer at hava landsfund í Nuuk frá 27. til 29. november, skrivar Sermitsiaq.