Vilhelmina skjýtur fyrsta skotið

Í morgin klokkan 11 verður fyrsta skotið í Dalstunlinum latið av.   

Sigurd L. Lamhauge, stjóri á Landsverki, bjóðar vælkomið í tjaldinum við tunnilsmunnan, og Jørgen Niclasen, landsstýrismaður í fíggjarmálum, heldur røðu. 

Síðani fer 85 ára gamla Vilhelmina Larsen, úr Dali, at lata fyrsta skotið av, og hon fer eisini at siga nøkur orð.  

Almennu tilmælini um fyribyrging móti koronavirus hava við sær, at hátíðarhaldið verður bert fyri innbodnum, sigur Landsverk.

Liðugur um fýra ár

Dalstunnilin verður 2.200 metrar langur og átta metrar breiður. Eisini skulu gerast 150 metrar av vegi Húsavíkarmegin og 100 metrar av vegi Dalsmegin, og haraftrat skulu tilsamans 2.500 metrar av vegi breiðkast.

Arbeiðið at gera tunnilin fer at taka fýra ár treytað av, at nøktandi játtan fæst, sigur Landsverk.