Pauli heldur fram sum borgarstjóri í Vestmanna

Pauli Trond Petersen heldur fram sum borgarstjóri í Vestmanna kommu, og Bjørg á Rógvi verður næstforkvinna. Nývalda bygdarráðið skipaði seg í gjárkvøldið.

Pauli Trond Petersen varð fyrstu ferð valdur í bygdarráðið í 2005, og seinastu átta árini hevur hann verið borgarstjóri. 

Á kommunuvalinum týsdagin varð Pauli Trond Petersen fyrstvaldur. Hann fekk 248 atkvøður. Bjørg á Rógvi, sum verður varaborgarstjóri, stillaði upp fyrstu ferð, og hon fekk 140 atkvøður.