Jákup Sverri tekur útgerð

Í dag fór manningin umborð á nýggja havrannsóknarskipið Jákup Sverra, og seinnapartin kom skipið á Havnina at taka útgerð.

Tað fer at taka nakrar dagar, og síðani verður farið at gera tær fyrstu kanningarnar fyri Havstovuna.

Í gjár varð Jákup Sverri latin Fiskimálaráðnum, eftir at Jacob Vestergaard, landsstýrismaður, og umboð fyri skipasmiðjuna Mest høvdu skrivað undir avhendingarskjølini.

Havstovan sigur, at ætlanin er eisini at vísa almenninginum skipið. Nærri verður at frætta um tað seinni, og hvussu tað verður skipað við atliti at koronu. 

Bjarni Árting Rubeksen tók myndirnar.

Jákup Sverri

Jákup Sverri, Merkið

Jákup Sverri