Rudy Giuliani fingið COVID-19

Tað segði forsetin sjálvur á Twitter í gjárkvøldið. Hann er tann síðsti í eini røð av fólkum við tøttum tilknýti til Hvítu húsini, sum  hevur fingið smittuna.

Rudy Giuliani hevur staðið á odda í stríðnum um valúrslitið eftir forsetavali fyri einum mánaði síðan.

Toymið hjá Trump, forseta, roynir at prógva, at tað var framt umfatandi valsvik, og at Joe Biden ikki vann valið hóast alt. Higartil hevur hetta tó ikki eydnast, og flest allir valmyndugleikar siga eisini, at ongi prógv eru fyri slíkum valsviki.

Giuliani er í løtuni innlagdur á sjúkrahúsi í Washington, sambært amerikanskum miðlum, men hann sigur sjálvur, at hann hevur tað gott.