Ferðastuðulin verður endurskoðaður

Ferðastuðulin, sum tey fáa, sum ferðast til arbeiðis, verður endurskoðaður, nú Eysturoyartunnilin er komin.

Men enn er ov tíðliga at siga, hvørjar broytingar verða, sigur Jørgen Niclasen, landsstýrismaður.

Útrokningar verða gjørdar í løtuni. 

Fólk, sum ferðast meira enn 20 kilometrar til arbeiðis, fáa ferðastuðul úr landskassanum.

8,45 kr. annan vegin

Ferðastuðulin í undirsjóvartunlum er 8,45 kr. annan vegin, nógv minni enn tunnilsgjaldið er.

Og sambært lógini skulu fólk brúka stytstu leið til arbeiðis fyri at fáa stuðul.

Eftir landi eru til dømis slakir 68 kilometrar millum Toftir og Havnina. Teir geva 39 kr. um dagin í ferðastuðli.