Tríggir nýggir tilburðir

Tríggir smittutilburðir vórðu staðfestir í gjár. Tað vísir nýggjasta uppgerðin hjá landslæknanum. Allir tilburðirnir eru partur av smittuketu, sum landslæknin fylgir.

Í gjár vórðu 584 kanningar gjørdar, og allar kanningarnar eru liðugt greinaðar. Fýra fólk vórðu frísk í gjár, og sostatt eru 47 fólk smittað í løtuni.

Nú eru 247 fólk í sóttarhaldi, og ein er innlagdur við koronu.

- Allir tilburðirnir í gjár, vóru hjá fólki sum sita í sóttarhaldi, sigur Lars Fodgaard Møller, landslækni.