Nógv færri skurðviðgerðir

Hetta er samanborið við 2019. Virksemið á medisinska økinum minkaði ikki so nógv, millum 10 og 35 prosent.

Men fysioterapi og ergoterapi minkaðu millum 60 og 80 prosent. Tað sigur Kaj Leo Holm Johannesen, landsstýrismaður.

Hann hevur svarað Høgna Hoydal, tingmanni, sum spurdi um viðgerðir og bíðilistar hjá heilsuverkinum, meðan korona hevur verið.

Færri send av landinum til viðgerð

Eisini sjúklingaferðir av landinum vóru færri í fjør enn í 2019. Sjúklingaferðirnar hjá Landssjúkrahúsinum vóru 2.213 í 2019 og 1.873 í fjør.

Klaksvíkar sjúkrahús sendir vanliga sjúklingar av landinum okkurt um 100 ferðir um árið.

Í fjør vóru 70 slíkar ferðir. Tað sama er at siga um Suðuroyar sjúkrahús, sum plagar at senda okkurt um 90 sjúklingar uttanlands um árið. 

Minkingin stendst av tí, at sjúkrahús uttanlands hava útsett skurðviðgerðir.