Hevði heimild at krevja avlop afturgoldið

Almannaverkið hevur fingið viðhald frá Kærunevndini í almannamálum, familjumálum og heilsumálum í, at verkið hevði kravt avlop aftur frá einum bústovni.

Stovnurin hevði slakar 118.000 kr. í avlopi í 2018.

Stovnurin brúkti pengarnar til nýggjan bil. 

Men Almannaverkið slepti ikki kravinum um afturgjald, tí stuðul haðani skal ikki brúkast til íløgur.

Og bústovnurin prógvaði ikki, at bilurin var fíggjaður við pengum, sum bústovnurin fekk frá kommununi.

Bústovnurin kærdi avgerðina hjá Almannaverkinum, men fekk ikki viðhald.

Avlopið í 2018 skal gjaldast Almannaverkinum.