Fimm prosent av føroyingum koppsettir

Í Suðuroy eru øll búfólkini á eldrøkinum longu koppsett, og í Havn og í Klaksvík fóru tey í dag undir at koppseta fyrstu búfólkini. 

Meginparturin av teimum, sum verða koppsett í dag eru starvsfólk á eldraøkinum. Haraftrat verða umleið 60 búfólk á Boðanesheiminum koppsett og 26 búfólk í Klaksvík. Nakrir lungasjúlingar eru eisini kallaðir inn á Landssjúkrahúsinum, sum  eftir ætlan verða koppsettir í kvøld.

Tá dagurin í dag er komin at enda, eru síðstu gløsini av koppingarevni væntandi tømd. Næsta sending kemur eftir ætlan í næstu viku, og koppsetingin verður tikin uppaftur so skjótt sum koppingarevni aftur er til taks í Føroyum.