Varðhaldsfongslaður í tvær vikur

Tann 24 ára gamli játtaði seg lutvíst sekan og kærdi ikki avgerðina. Maðurin varð seinnapartin í gjár handtikin og skuldsettur fyri brot á narkotikalógina.

Í samband við húsarannsóknina heima hjá manninum, fann løgreglan 67 gram av amfetamini, umleið fimm gram av ketamini og fleiri aðrar tablettir.

Maðurin er varðhaldsfongslaður, meðan málið verður kannað.