Bilsølan minkaði í januar

Færri akfør vórðu seld í januar enn sama mánað í fjør, vísa hagtøl hjá Akstovuni.

Tilsamans vórðu seld 173 akfør, 44 færri enn í januar í fjør, ella góð 20 prosent .

Fyrsta mánaðin í ár vórðu seldir 128 nýggir persónbilar, 31 færri enn í januar í fjør. Afturgongdin er 19,5 prosent.

Trý tey mest seldu bilmerkini í januar vóru Kia, Toyota og Volvo. 

12 brúkt akfør vórðu innflutt í januar, 15 færri enn somu tíð í fjør.