Koppseta á leiðslugongini

Fyrst skuldu heislustarvsfólk, sum hava samband við veikar sjúklingar, koppsetast. Seinni fólk í vandabólkum. Hesi skulu hava tol eina løtu afturat.  Men tey, sum starvast á skrivstovuni hjá leiðsluni á Landssjúkrahúsinum, hava longu fingið koppsetingina.

Hetta hóast kunngerðin um koppseting greitt sigur, at tað bara eru tey fólkini í heilsugeiranum, ið hava tætt samband við sjúklingar, ið eiga at fáa tilboð um koppseting.

Kaj Leo Holm Johannesenhevur skrivað undir kunngerðina um koppseting, men landsstýrismaðurin í heilsumálum vil ikki gera samrøðu í kvøld.

– Men sjálvandi skal kunngerðin fylgjast, og eg fari tí at biðja um eina nærri frágreiðing um hetta málið, sigur Kaj Leo Holm Johannesen.

Í innslagnum tosa vit við Steinar Eirikstoft, stjóra á Landssjúkrahúsinum, sum sjálvur er koppsettur fyri koronu. Og vit tosa við Alexandru á Dul, stjóra á Klaksvíkar Sjúkrahúsi, sum ikki er koppsett fyri koronu.