Vit fara ov illa við vøtnum og vátlendi

Vøkur eru tey um summarið, vøtnini, og ríkt er djóralívið í teimum og í kringliggjand vátlendinum. 

Í dag er altjóða vátlendisdagur, men tað er synd at siga, at umstøðurnar hjá djóralívinum kring Toftavatn vóru optimalar í kavanum og frostinum.

Hinvegin er dagurin eitt gott høvi at vísa á, at vit fara ov illa við okkara vøtnum og vátlendum, heldur Gunnar Bjarnason, landbúnaðarfrøðingur og forsprákari fyri náttúruvernd. 

Gunnar Bjarnason vísir á, at tað er ikki einki av tjarnum og smærri vøtnum í Føroyum, sum eru avveittar gjøgnum árini, bæði innangarðs og uttangarðs, til stóran ampa fyri margfeldið í náttúruni.  

Tveir mans, sum eru samdir við Gunnari Bjarnasyni, at vit mugu verja okkara vøtn og vátlendi betur, eru Asfinn Sigvardsen og Jens Dalsgaard. Seinasta árið hava teir báðir vitjað eina rúgvu av vøtnum kring oyggjarnar.