Moderna skal selja ES 300 milliónir skamtar

Heilivágsfyritøkan, Moderna, skal útvega ES meira enn 300 milliónir skamtar av koppingarevni fyri COVID-19.

ES-nevndin hevur gjørt avtalu við amerikansku heilivágsfyritøkuna, Moderna, um at útvega samveldinum 150 milliónir skamtar afturat.

Upprunaliga avtalan næstan tvífaldað

Tað er næstan ein tvífalding í mun til upprunaligu avtaluna. Tað upplýsti ES-nevndarkvinnan, Ursula von der Leyen, fyrr í dag.

Harumframt hevur ES tryggjað sær møguleikan at keypa 150 milliónir skamtar frá Moderna í næsta ár, skrivar Reuters.

ES hevði frammanundan tryggjað sær 160 milliónir skamtar, sum farið varð at útflýggja í januar í ár.