Nólsoyingar noyðast at bíða eftir Ternuni

Ternan er til 40 ára klassing, og hon verður eftir ætlan liðug til páskar.

Og nólsoyingar noyðast at bíða, til hon er liðug. Eingin onnur loysn er í løtuni.

Tað segði Jørgen Niclasen, landsstýrismaður í samferðslumálum, tá hann svaraði einum ófráboðaðum fyrispurningi frá Anniku Olsen í tinginum fyrrapartin.

Nógvar ferjur eru at fáa til keyps, men tær kunnu ikki brúkast í Føroyum, segði hann.

Men hevur Tórshavnar kommuna áhuga fyri at yvirtaka farleiðina, er landsstýrismaðurin opin fyri tí møguleikanum.

Hoyr samrøðu, sum Frants Jensen gjørdi við Jørgen Niclasen í útvarpstíðindunum.