Strandferðslan skal greinast út æsir

Nú skulu Strandfaraskip landsins greinast út í æsir. Tað skulu uttanveltað fólk gera.

Jørgen Niclasen, landsstýrismaður, og Strandfaraskip landsins høvdu fund í gjár. Har varð samtykt at orða ein arbeiðssetning um greiningina.

Alment partafelag ella almennur stovnur

Greiningin skal svara spurninginum um, hvussu Strandfaraskip landsins skulu skipast í framtíðini. 

Skal stovnurin blíva eitt alment partafelag, ella halda fram sum ein almennur stovnur sum nú, ella skal loysnin vera har ímillum?

Spurningurin er eisini, hvussu nógv Strandfaraskip landsins skulu eiga. Nú eru Bygdaleiðir og Mykinesleiðin útveittar, men Strandferðslan eigur hini skipini.