15. hvør føroyingur liðugt koppsettur

15. hvør føroyingur er nú prikaður tvær ferðir, og er sostatt liðugt koppsettur fyri COVID-19. Tað vísa nýggjastu tølini hjá heilsumyndugleikunum á corona.fo

Nú eru tilsamans 7.927 koppsetingar gjørdar í Føroyum; 4.253 føroyingar hava fingið fyrra prikið og 3.674 hava fingið seinna prikið. 

6,9 prosent av føroyingum eru nú liðugt koppsettir. Hetta svarar til, at gott og væl 15. hvør føroyingur nú er liðugt koppsettur fyri koronu.

Fríggjadagin vórðu nøkur búfólk á ellis- og røktarheimum í Norðoyggjum koppsett, og nú verður ein stuttur steðgur í koppsetingini, siga heilsumyndugleikarnir.