- Tíðindi, mentan og ítróttur
Oljunýtslan setti met í fjør
Oljunýtslan setti met í fjør
Vit brúktu góð 300.000 tons av olju og bensini í fjør. Fyri tíggju árum síðanu var oljunýtslan 235.000 tons
Fiskiskip eiga 30 prosent av oljunýtsluni, og 34,3 prosent av allari oljunýtsluni eru tungolja
22.03.2021 - 08:39
Føroyska oljunýtslan setti met í fjør.
Føroyingar brúktu góð 300.000 tons av olju og bensini í fjør. Í 2019 var talið góð 286.000 tons.
Fyri tíggju árum síðani, í 2010, var oljunýtslan góð 235.000 tons.
Hetta upplýsir Hagstovan, sum hevur kunngjørt tøl fyri hvørt ár aftur til 1992.
Minsta oljunýtlsan var í 1995. Tá var hon góð 195.000 tons.
Fiskiskip eiga 30 prosent
Fiskiskip eiga 30 prosent av oljunýtsluni. Og 34,3 prosent av allari oljunýtsluni eru tungolja.
Hagstovan brúkar tøl frá oljuveitarum og frá SEV.
Føroysk skip, sum bunkra uttanlands, eru við í tølunum. Men útlendsk skip, sum bunkra í Føroyum, eru ikki við.
Er kopiera
Nýggjastu sendingar í ÚV
Nýggjastu sendingar í SV
