Eldgosið ávirkar ikki flogferðsluna

Eldgosið á Reykjanesi í Íslandi ávirkar ikki flogferðsluna, hóast floghavnin í Keflavík er tætt við eldgosið.

Beint eftir, at eldgosið byrjaði fríggjakvøldið, varð ávarað móti at brúka flogvøllin, men nakrar fáar tímar seinni setti eitt flogfar seg í øllum góðum í Keflavík. 

Í 2010, tá eldgosið var í Eyjafjallajøkli, varð neyðugt at avlýsa 100.000 flogferðir frá 14. til 25.apríl fyri øsku úr eldgosinum.

Tá Hekla fór at goysa 17.august 1980 var eitt ferðafólkaflogfar júst farið framvið - talan var um hálvan minutt -  aðrenn øska og grótbræðing kom heilt upp hagar, sum flogførini flúgva.