Marjun leggur frá sær

Marjun Hanusardóttir, løgmansstjóri, leggur frá sær í summar. 

Sostatt skal eitt nýtt fólk finnast til hægsta embætið í føroysku fyrisitingini. 

Marjun Hanusardóttir hevur boðað løgmanni frá, at hon formliga gevst í starvinum tann 1.august 2021, skrivar Løgmansskrivstovan í fráboðan. 

Marjun Hanusardóttir fylti fyrr í ár 67 ár, og í summar hevur hon røkt starvið sum løgmansstjóri í 25 ár. 

Í næstum verður farið undir tilgongdina at seta nýggjan løgmansstjóra.