Krossurin á Høganesi verður av ongum

Ætlanin um listaverk á Høganesi er slept. Tað boðar Nes kommuna frá á heimasíðu síni, eftir at stigtakarar og listafólkið um høgtíðina hava viðgjørt støðuna. Kunningarfundur hevur verið um ætlanina “til gleði fyri øll”, og fólk hava havt møguleika at sagt sína hugsan um ætlanina.

Nes kommuna ásannar, at ætlanin ikki er til gleði fyri øll, og at fólk av ymiskum ávum ikki taka undir við ætlanini. Tí hava stigtakarar og listafólkið tikið avgerð um at sleppa ætlanini.