Samráðast um samgongu í Grønlandi

34 ára gamli formaðurin í IA vann valið og við sínum 12 tinglimum er flokkurin størstur í Grønlandi.

Við grønlendska kringvarpið KNR sigur Mute B. Egede, at hann hevur havt innleiðandi prát við allar flokkar, og nú byrja meira bindandi samráðingar.

Einasti flokkur, sum higartil hevur gjørt greitt, at tey ikki fara í samgongu við IA, er Demokra'atit. Flokkurin, sum fekk tríggjar tinglimir á valinum týsdagin, sigur seg ikki vera samdan við tí yvirskipaðu, politisku kós, sum IA stendur fyri.