Fimm dystir í Betri-deildini í dag

Allir fimm dystirnir í 5. umfari í Betri-deildini við monnum verða spældir í dag.

Kalda veðrið seinastu tíðina hevur órógvað, men líkt er til, at tað fer at bera til at avgreiða allar dystirnar eftir ætlan.

Ein broyting er kortini gjørd. Hon er, at dysturin millum ÍF og NSÍ, sum skuldi spælast í Fløtugerði í Fuglafirði, er fluttur til Runavíkar. Kringvarpið sigur frá tí dystinum í útvarpinum klokkan 15.00.

KÍ er fremst undan dystunum í dag. Klaksvíkingar hava níggju stig, meðan grannarnir, ÍF og Víkingur hava sjey. Niðast eru B68 og TB, sum spæla á Svangaskarði í dag, við ávíkavist einum og ongum stigi.

Dystirnir í dag eru hesir:

14:00 B36-Víkingur
15:00 KÍ-EB/Streymur
15:00 NSÍ-ÍF
16:00 B68-TB
17:00 HB-07 Vestur