Íbúðir ella raðhús byggjast á Nesi

Nes kommuna hevur ætlanir um at byggja íbúðir ella raðhús ovarlaga í bygdini. Tað sigur kommunan, nú áhugin fyri at búseta seg á Nesi er vaksandi.

Eitt kommunalt øki, sum er góðar 2.000 fermetrar stórt, verður nú bjóðað út til íbúðar- og raðhúsbygging.

Í heildarætlanini hjá kommununi er lagt upp fyri, at íbúðir og raðhús kunnu byggjast í økinum, sigur Nes kommuna.