Íbúðir byggjast í Norðragøtu

Tey, sum bjóða, skulu eisini koma við uppskoti um, hvussu byggingin kann skipast, og hvat slag av íbúðum verður bygt. Hetta kann verða eigaraíbúðir, leiguíbúðir ella lutaíbúðir.

Kommunan setir sum treyt, at tað verður eitt hóskandi tal av íbúðum í verkætlanini. Byggingin skal vera fjølbroytt við ymiskum íbúðarstøddum, har atlit verður tikið til fría útsýnið.

Dentur verður lagdur á, at byggingin tekur seg væl út, hevur høga góðsku og fellur væl inn í landslagið, sigur kommunan. Freistin, at lata inn skrivlig boð, er fríggjadagin 14. mai.