- Tíðindi, mentan og ítróttur
Øll kunnu ikki biðja um tíð í senn
Øll kunnu ikki biðja um tíð í senn
Í sambandi við koppseting fyri koronu hava tey, sum eru í vandabólki, framíhjárætt í øllum aldursbólkum
Nú eru fólk, sum verða koppsett, býtt í fimm aldursbólkar
22.04.2021 - 09:09
Øll, sum eru 16 ár og eldri, men yngri enn 64 ár, kunnu ikki biðja um tíð til koppseting í senn. Heilsumálaráðið sigur, at fólk eru býtt í fimm aldursbólkar.
Tey elstu verða koppsett fyrst. Men í øllum aldursbólkum hava fólk, sum eru í vandabólki, framíhjárætt.
Fólk í serligum vandabólkum framíhjárætt
Fyrsta dagin, latið verður upp fyri at bíleggja tíð til koppseting í tí einstaka aldursbólkinum, fáa fólk í serligum vandabólkum framíhjárætt at bíleggja sær tíð.
Eftir tann dagin kunnu øll, sum hoyra til aldursbólkin, bíleggja sær tíð á jøvnum føti.
Á heimasíðuni hjá Heilsumálaráðnum sæst, hvørjir vandabólkarnir eru. Ein serskipan verður gjørd fyri útoyggjar.
Er kopiera
Nýggjastu sendingar í ÚV
Nýggjastu sendingar í SV
