Flytingin aftur seinkað

Flytingin í nýggju politistøðina í Havn er enn einaferð seinkað.

Nú verður tað í seinasta lagi 1.juli, sigur Michael Boolsen, fúti.

Dagurin, tá ríkispolitiið skuldi taka við politistøðini við Húsagøtu í Havn, var annars ásettur at vera 1.mai.

Fyrst skuldi yvirtøkan vera 1.august í fjør. Hon bleiv so flutt til 1.desember.

Tað bar heldur ikki til, og so bleiv sagt 15.mars í ár, síðani 1.mai og nú 1.juli. 

Orsøkin til seinkingina er millum annað fremst korona.