Sjálvstýrið horvið í Klaksvík

Sjálvstýrið er nú heilt burtur úr býráðnum í Klaksvík, hóast flokkurin fekk tvey umboð vald á kommunuvalinum seinasta heyst. Fyrst fór Jógvan Skorheim frá sum formaður og úr flokkinum, og nú hevur einasta umboðið, sum var eftir - nevniliga Óli M. Lassen - meldað seg úr Sjálvstýri og upp í Fólkaflokkin.

Óli M. Lassen vil ikki stilla upp til samrøðu, men sigur orsøkina vera, at tá Jógvan Skorðheim fór úr flokkinum, so var ongin orsøk hjá honum at vera eftir, tí hann kom upp í Sjálvstýri júst fyri at stuðla Jógvani Skorðheim.