- Tíðindi, mentan og ítróttur
Skulu finna røttu staðsetingina til Tjóðleikhúsið
Skulu finna røttu staðsetingina til Tjóðleikhúsið
Umsitingin í Tórshavnar kommunu mælir til, at ráðgevarartoymini fáa 100.000 krónur hvørt
Nú verður kannað, hvar á Bursatanga ella á Eystara havnarøki, Tjóðleikhúsið kann vera
29.04.2021 - 08:55
Tórshavnar kommuna fer nú at kanna, hvar á Bursatanga ella á Eystara havnarøki, Tjóðleikhúsið kann vera.
Býráðið fer í dag at viðgera málið.
Tilmælið hjá umsitingini er, at tey fimm ráðgevaratoymini, sum eru knýtt at kappingini um tjóðleikhúsið, fáa 100.000 kr. hvørt til at finna røttu staðsetingina og samstundis byrja at gera eina heildarætlan fyri eystara havnarøkið.
Við hesum leisti fær býráðið fimm uppskot um, hvussu økið skal skipast, og hvar Tjóðleikhusið skal vera.
Byggi- og býarskipanarnevndin, Tekniska nevnd, Havnarnevndin og Fíggjarnevndin taka undir við umsitingini.
Er kopiera
Nýggjastu sendingar í ÚV
Nýggjastu sendingar í SV
