Hava borað tríggjar fjórðingar av tunlinum

Nú eru næstan tríggir fjórðingar av Sandoyartunlinum boraðir.

Nú eru 7.954 metrar av tilsamans 10.785 metrum boraðir, ið svarar til, at 73,8 prosent av tunlinum er borað.

Ein pumpubrunnur er liðugt boraður í Traðardali, og í løtuni verður arbeitt við at gera pumpubrunnin Streymoyarmegin lidnan.

Sandoyartunnilin er mettur at kosta 1,3 milliardir krónur. Mett verður, at 300 - 400 bilar fara at koyra í tunlinum um samdøgrið.

Gongst sum ætlað, verður seinasta skotið í Sandoyartunlinum latið av síðst í hesum árinum, og eftir ætlan verður koyrandi í desember 2023.