Nettoognin uttanlands minkaði í 2019

Nettoognin uttanlands minkaði í 2019
Bæði ogn og skuld eru vaksin nógv, upplýsir Hagstovan
Í 2019 áttu føroyingar fýra milliardir kr. meira, enn teir skyldaðu uttanlands
 
07.05.2021 - 09:42

Nettoognin uttanlands hjá føroyingum var minni í 2019 enn í 2018. Nýggjastu tølini eru frá 2019.

Sambært tølum hjá Hagstovuni var nettoognin í 2019 4,1 milliard krónur, tað er, at føroyingar áttu fýra milliardir meira enn teir skyldaðu uttanlands.

Tá nettoognin er positiv, skyldar umheimurin Føroyum pengar.

Ogn og skuld vaksin

Í 2018 var nettoognin 5,4 milliardir krónur. Í 2017 var hon 5,7 milliardir krónur. Bæði ogn og skuld eru vaksin nógv, upplýsir Hagstovan.

Nettoognin var tann sama, sum hon var fyri fíggjarkreppuna fyri tíggju árum síðan. Men munur er á, hvør eigur skuldina og ognina.

Tað almenna, fíggjarfyritøkurnar og húsarhaldini øktu nettoognina 11,3 milliardir krónur frá 2012 til 2019.

Tað mesta er í lánsbrøvum

Hjá vinnufyritøkum hækkaði nettoskuldin 8,7 milliardir krónur hesi somu árini. Meira enn helvtin av ogn føroyinga uttanlands er í lánsbrøvum. 

Sløk helvtin av skuldini stavar frá íløgum hjá útlendingum í føroysk partabrøv, og henda skuldin er vaksin nógv seinastu árini.

Er kopiera
Nýggjastu sendingar í ÚV
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Sunnudag 15. november
Filosofiskur 8.partur
216351
Leygardag 14. november
TEMAPLÁTAN 40: 'Fahrenheit', Toto, 1986
215932
Nýggjastu sendingar í SV
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214
Sunnudag 15. november
Talvið um Tinganes (2:2) - teknmálstulkað
216435