Hava fund við partarnar hvør sær

Semingsstovnurin roynir at fáa handverkarafeløgini og Kommunala arbeiðsgevarafelagið at semjast um nýggjan sáttmála.

Semingsstovnurin hevur havt fundir við partarnar hvør sær, og slíkir fundir verða aftur í morgin.

Terje Sigurðsson, semingsfólk, sigur, at møguliga verður fundur seinnapartin í morgin, har báðir partar sita saman við borðið.

Fyri skjótt tveimum vikum síðani sendu partarnir boð eftir Semingsstovninum. 

Teir kundu ikki semjast um sáttmála fyri tann, sum var galdandi til 1. oktober í fjør.