Rakk ikki málinum á 50 metrum

Signhild Joensen svam í morgun 50 metur rygg í EM í Budapest. Tíðin var 29.89 og er 9. besta tíðin hjá ryggsvimjaranum, skrivar svimjing.com.

Tíðin rakk til eitt 43. pláss av tilsamans 54 luttakarum.

Hon rakk tískil ikki málinum um at nærkast ella taka sína bestu tíð í hesari greinini, sum sambært svimjing.com vanliga ikki er hennara sterkasta. 

Hósdain skal Signhild Joensen svimja 100 metur rygg, og leygardagin er 200 metur rygg á skránni.