Opið sum vanligt, men neyðug stig eru tikin

Skúlar, dagstovnar og frítíðarskúlar hava opið í dag sum vanligt.

Heilsufakligi ráðgevarabólkurin hjá skúlum og dagstovnum hevði fund í gjár.

Neyðug stig eru tikin í teimum dagstovnum og skúlum, sum koronusmittan hevur rakt beinleiðis.

Annars eru skúlar, dagstovnar og frítíðarskúlar opnir sum vanligt í dag.

Skert virksemi

Í Tórshavnar kommunu hava nakrir dagstovnar skert virksemi komandi dagarnar.

Hetta ger, at øll kunnu ikki koma á stovnin.

Hetta fevnir um vøggustovur, barnagarðsstovur, frítíðarskúlar og ungdómstilboð.

Foreldur fáa boð frá avvarðandi stovnsleiðara, sigur kommunan.