Blinken roynir at styrkja vápnahvíldina

Amerikanski uttanríkisráðharrin, Antony Blinken, er komin til Ísraels í eini roynd at styrkja vápnahvíldina millum Ísrael og Hamas, sum heldur til í Gaza.

Blinken fer at hitta bæði ísraelska forsætisráðharran, Benjamin Netanyahu, og palestinska forsetan, Mahmoud Abbas.

Amerikanski uttanríkisráðharrin fer tó ikki at hitta umboð fyri Hamas, sum er listanum yvir yvirgangsbólkar, bæði í ES-londum og USA.

Hetta er fyrstu ferð, at ein amerikanskur ráðharri er í Ísrael, síðani Joe Biden tók við sum forseti í januar.

Styrkja vápnahvíldina

Blinken hevur sagt, at hann strembar eftir at tryggja vápnahvíldina, sum hann málber seg.

Á ferð síni í Miðeystri fer amerikanski uttanríkisráðharrin eisini at hitta egyptiska forsetan, al-Sisi, og jordanska kongin, Abdullah.

USA vil hava eina loysn, har Ísrael og palestinarar fáa hvør sítt land.