Nú er samband aftur millum partarnar

Samband er nú aftur millum Kommunala Arbeiðsgevarafelagið, Lønardeildina hjá Fíggjarmálaráðnum og Føroya Pedagogfelag, eftir at Pedagogfelagið fríggjadagin í farnu viku vrakaði semingsuppsskotið frá Semingsstovninum. 

- Seinnapartin í gjár fingu vit skriv frá Føroya Pedagogfelag. Nú fara vit at viðgera tað, og taka síðani støðu til, hvat skal henda, sigur Anita Fuglø, leiðari í Kommunala Arbeiðsgevarafelagnum. 

Hon vil tó ikki at upplýsa, hvat stendur í skrivinum frá Pedagogfelagnum. 

Tað hevur ikki eydnast útvarpinum at fáa samband við Jógvan Philbrow, formann í Pedagogfelagnum, fyri at spyrja um, hvat stendur í skrivinum. 

Einki samband hevur annars verið millum partarnar síðan semingsuppskotið varð vrakað fríggjadagin.