Seks feløg fáa stuðul til nýggjan kappróðrarbát

Seks feløg fáa stuðul til nýggjan kappróðrarbát
Róðrargrunnurin fekk 10 umsóknir í ár, og tað er tað mesta higartil
Hvørt av teimum seks feløgunum fær 23.000 krónur til bátasmíð, tí 138.000 krónur vóru at lata í ár.
 
28.05.2021 - 08:52

Seks kappróðrarfeløg hava fingið stuðul úr Róðrargrunni Føroya.

Hvørt felag fær 23.000 krónur til bátasmíð, tí 138.000 krónur vóru at lata í ár.

Miðvágs róðrarfelag fær pengar til eitt seksmannafar, Havnar róðrarfelag til eitt seksmannafar, Kvívíkar sóknar róðrarfelag til eitt fimmmannafar, Kappróðrarfelagið NSÍ til eitt fimmmannafar, Sunda róðrarfelag til eitt fimmmannafar, og Skála róðrarfelag fær stuðul til at smíða eitt seksmannafar.

Róðrargrunnurin fekk 10 umsóknir í ár. Hetta er tað mesta higartil. 

Ein umsókn varð tikin aftur.

Fáa stuðulin, tá kjølurin er strektur

Í trimum førum vóru bátarnir liðugt smíðaðir og latnir feløgunum, áðrenn umsóknarfreistin var úti. 

Tey seks feløgini, sum fáa stuðul, fáa hann, tá kjølurin er strektur.

Er hann ikki strektur í seinasta lagi 25. apríl í 2022, fellur stuðulin aftur til grunnin. 

Róðrargrunnur Føroya varð endurreistur í 2018, og hevur higartil latið stuðul til at smíða 20 kappróðrarbátar.

Er kopiera
Nýggjastu sendingar í ÚV
Nýggjastu sendingar í SV
Týsdag 18. februar
Veðrið
187962
Sunnudag 16. februar
VÍF - Kyndil, menn
187840
Sunnudag 16. februar
Guðstænasta úr Havnar kirkju
187829
Leygardag 15. februar
2. hálvfinala hjá monnum: H71 - KÍF
187825
Leygardag 15. februar
H71 - Neistin, kvinnur
187824