Byggja 34 íbúðir í Norðragøtu

bannari
Byggja 34 íbúðir í Norðragøtu
Ætlanin er, at byggingin skal byrja í vetur, og væntandi verður klárt at flyta í fyrstu íbúðirnar tíðliga í 2023
Sambært uppskotinum skulu byggjast 34 eindir; 28 leiguíbúðir og seks lutaíbúðir.
 
31.05.2021 - 08:53

Býráðið í Eysturkommunu samtykti hóskvøldið at taka av einum uppskoti um íbúðarbygging í Norðragøtu.

Sambært uppskotinum skulu byggjast 34 eindir; 28 leiguíbúðir og seks lutaíbúðir.

Býráðið samtykti í januar at bjóða økið norðan fyri Gøtubrá í Norðragøtu út til íbúðarbygging, og í apríl varð jørð sett til sølu við ávísum treytum.

Eyðabø best

Tvey uppskot og tilboð komu inn, og býráðið valdi verkætlanina Eyðabø eftir tilmæli frá dómsnevndini, ið varð sett at meta um uppskotini.

Leiguíbúðirnar í uppskotinum eru ymiskar í stødd - úr 47 fermetrum upp í 122 fermetrar, og lutaíbúðirnar eru allar 122 fermetrar.

Ætlanin er, at byggingin skal byrja í vetur, og væntandi verður klárt at flyta í fyrstu íbúðirnar tíðliga í 2023.

Eysturkommuna arbeiðir í løtuni eisini við møguleikanum at byggja íbúðir í Syðrugøtu og í Leirvík.

Er kopiera
Nýggjastu sendingar í SV
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520