Hasfjord bar við land í Skopun

Klokkan eitt korter til 11 fyrrapartin bar strandfaraskipið Hasfjord við land í pollinum í Skopun.

Skipið liggur nú við bryggjukantin í Skopun, og tamarhald er á støðuni, sigur Strandferðslan í tíðindaskrivi.

Sjey ferðafólk og seks akfør vóru við Hasfjord, tá skipið bar við land, og hvørki fólk ella akfør hava fingið skaða, sigur Strandferðslan.

Hasfjord siglir ikki meira í dag, men arbeitt verður við broytingum á leið 60 og 85.

Meiri verður at frætta í útvarpstíðindunum á middegi.