Frálíkur endaspurtur tryggjaði Sølmundi sigurin

Alt bendi á, at favoritturin og verandi føroyameistarin, Jarnbardur, fór at vinna ársins fyrsta FM-róður um vikuskiftið.

Kvinnurnar umborð á bátinum úr Knørri løgdu seg framum beinanvegin, meðan Sølmundur úr kappróðrarfelagnum, NSÍ, gjørdi sítt besta fyri at hanga í.

Og tað loysti seg. Tað vórðu ikki nógv meir enn 100 metrar eftir, tá kvinnurnar á Sølmundi brádliga tóku á og guli báturin fór at ganga sera væl. Tær yvirhálaðu á síðsta strekkinum, og fingu gullið um hálsin og tey sjey stigini, sum fylgja við.

 - Tá mann kennur hvønn annan  so væl, sum vit gera, so ivast mann ikki í, at tað nokk skal koma, segði Marin Petersen á Sølmundi. 

 

6-MANNAFAR KVINNUR