Hjálparfólk fara ikki í samhugaverkfall

- Vit fara ikki í samhugaverkfall, sigur Sámal Hansen, formaður í Hjálparfólkafelagnum.

Felagið hevur umleið 150 limir.

Limirnir, sum starvast á serøkinum, eru til arbeiðis. Flestu dagstovnarnir eru stongdir, og tí er avmarkað, hvat hjálparfólkini fáa gjørt á tí økinum. Sambært formanninum taka limirnir sær av uppgávum, sum liggja á láni, har tað er gjørligt. Felagið hevur tó noktað limunum at taka upp verkfalsrakt arbeiði.  

Lønt eftir pedagogsáttmálanum

Hjálparfólk fáa løn eftir sáttmálanum, sum er millum Pedagogfelagið og KAF og Fíggjarmálaráðið 

Sámal Hansen sigur, at Hjálparfólkafelagið serliga vil hava tryggari setanarviðurskifti, men hann heldur ikki, at Pedagogfelagið hevur lagt dent á hetta í samráðingunum. Hann heldur hinvegin, at KAF og Fíggjarmálaráðið hava lagt dent á hetta økið.