Stúrir fyri avleiðingunum av verkfallinum

- Eg siti við eini øgiligari stúran og ótta.

Tað sigur Aimi Justinussen, sum er mamma at einum barni við serligum tørvi.

Sonur hennara hevur autismu og býr á einum stovni undir Almannaverkinum.

Fyri hann er tað sera týdningarmikið, at gerandisdagurin ikki broytist stórvegis, men eitt verkfall hevur nógvar broytingar við sær. Eisini fyri Almannaverkið, sum í gjár fekk boð um, at stovnurin bert fær 16 undantøk, hóast biðið varð um nærum 140 undantøk.

Aimi Justinussen og familjan minnast aftur á seinasta verkfallið hjá Pedagogfelagnum við stúran. Tað var ein hørð tíð - ikki bara fyri sonin - men fyri alla familjuna.

Hoyr samrøðu við Aimi Justinussen.