Skjót hjálp er avgerandi

Fyrstu minuttirnir eru avgerandi, tá eitt menniskja fær hjartasteðg. Tað sigur hjartalæknin Jan Rasmussen eftir tilburðin í Ítróttarparkini í Keypmannahavn leygarkvøldið, tá Christian Eriksen small um.

App'in "Renn fyri lívi" vísir, hvar í landinum hjartastartarar eru at finna. Higartil eru skrásettir 257 hjartastartarar kring landið. Á somu app ber eisini til at boðsenda fólki at koma til hjálpar, skuldi tørvur verið á tí.