Uppskotið farið í rættarnevndina

Fyrsta viðgerð av uppskotinum hjá Helga Abrahamsen, landsstýrismanni, um undantøk til Almannaverkið var liðug fyri løtu síðani, og uppskotið er beint í rættarnevndina.

Viðgerðin byrjaði nakað eftir klokkan 10 fyrrapartin. 

Christian Andreasen, formaður í rættarnevndini, segði við útvarpið á middegi, at rættarnevndin fer at hava fund mánamorgunin, har innkallingar eisini verða.

Løgtingsfundur er lýstur at verða klokkan 16 mánadagin. Framløga er á skránni, og tá fer rættarnevndin væntandi at leggja fram álit.