Eriksen skurðviðgjørdur og útskrivaður

Eriksen skurðviðgjørdur og útskrivaður
Danska landsliðsstjørnan Christian Eriksen hevur fingið pacemakara skurðísettan og er útskrivaður frá Ríkissjúkrahúsinum
 
18.06.2021 - 18:11

"Skurðviðgerðin gekk væl, og eg havi tað eftir umstøðunum gott."

Soleiðis sigur Christian Eriksen, so nú er útskrivaður av Ríkissjúkrahúsinum, eftir at hann fekk hjartasteðg í landsdystinum móti Finnlandi leygardagin. 

Boðini hevur DBU kunngjørt á Twitter. 

Danska fótbóltsstjørnan er skurðviðgjørdur, og hevur fingið ein framkomnan pacemakara, ein sonevndan ICD. 

Eriksen hevur vitjað danska landsliðið í Helsingør í dag. Hann fer nú heim saman við familjuni. 

"Takk fyri tær ótúrliga mongum heilsurnar. Tað hevur verið einastandandi at merkt. Tað var feitt at síggja dreingirnar eftir flotta dystin í gjárkvøldið. Eg fari at rópa á teir í dystinum móti Russlandi," sigur Christian Eriksen sambært DBU. 

Enn er óvist, um Christian Eriksen verður at síggja á einum leikvølli aftur. Hann er í samskifti við felag sítt, Inter í Italia, men har eru reglarnar strangar í sambandi við hjartasteðg. Tú sleppur ikki at spæla yrkisfótbólt aftur. 

Hinvegin, so spælir hollendski landsliðsleikarin, Daley Blind, ið umboðar Holland til EM, við einum ICD-pacemakara. Tað gevur vón.   

 

Er kopiera
Nýggjastu sendingar í ÚV
Sunnudag 22. november
Bolero 22. november 2026
216781
Sunnudag 22. november
Guðstænasta út Gøtu kirkju
216780
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Nýggjastu sendingar í SV
Sunnudag 22. november
Andaktin
216792
Sunnudag 22. november
Guðstænasta úr Gøtu kirkju
216793
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688