Býráðið hevur samtykt innkomuvegin til Havnar

Býráðið í Havn hevur samtykt avtaluna við landsstýrið um innkomuvegin frá Eysturoyartunlinum, ein nýggjan uttara ringveg.

Løgtingið hevur ikki góðtikið avtaluna enn, men uppskotið kemur í løgtingið eftir ólavssøku, hevur Jørgen Niclasen, landsstýrismaður, sagt.

Vegurin er mettur at kosta 288 mió. kr.

Landið letur 110 milliónir í stuðli.

Við í verkætlanini er tunnil millum Villingardalsvegin og eitt stað vestan fyri hotel Føroyar.  

Tunnilsfelagið hevur gjørt ein part av vegnum, niðan á Sandvíkarhjalla.

So fáar forðingar skulu vera, at hámarksferðin á vegnum kann haldast, og ferðslan verður tarnað minst møguligt.