Læraraútbúgvingin verður nú eftirmett

Arbeiðssetningur er gjørdur, og uttanhýsis serfrøðingabólkur er við at verða mannaður.

Serfrøðingabólkurin fer til verka beint eftir summarfrítíðina, og kemur væntandi at halda fram til vit nærkast sumri í 2022. Tá handar serfrøðingabólkurin eina skriftliga frágreiðing við niðurstøðum og tilmælum.

Talan er um læraraútbúgvingina, sum skal eftirmetast.

Men ikki bara hon, heldur umfatar eftirmetingin alla Námsvísindadeildina á Fróðskaparsetrinum.

Námsfrøðingaútbúgvingin verður eisini eftirmett.

Jenis av Rana, landsstýrismaður, hevur svarað spurningi frá Sirið Stenberg, løgtingskvinnu, sum spurdi um læraraútbúgvingina.